Kunning

Upplatingartíðir
Blákollan letur upp kl. 7.30 og letur aftur kl. 17.15, Tó kunnu vit opna 7.15, men so mugu tit boða frá dagin fyri.


Máltíðir

Frá kl. 7.30 til umleið kl.8.30, bjóðar stovnurin morgunmat. Her verður bjóða Rugbreyð og Havragreyt.

Umleið kl. 12.00. Børnini eta matpakka, sum tey hava við sær heimanífrá, Vøggustovan etur eitt sindur fyrr uml 11.30. Minnist til, at maturin skal vera í mateskju við navni á. Til máltíðirnar bjóðar stovnurin mjólk og vatn.

Umleið kl. 14.30 bjóðar stovnurin millummála. Vit fáa frukt hvønn dag, eisini verður onkutíð baka, gjørt greytur v.m


Blæður

Stovnurin letur blæður til tey sum hava tørv á tí.


Sjúka- og frídagar

Um ikki onnur avtala er gjørd skulu børnini vera komin á stovnini í seinasta lagi kl. 10.00. Børnini skulu avleverast á stovninum, hettar tí at vit meta at tað er tann besta avleveringin fyri barnið. Um tit koma seinri, og ikki hava gjørt avtalu frammanundan, kunnu tit koma til matpakka kl 12.00.

Er barni er  sjúkt, skal tað ikki koma í barnagarð. Við sjúku meinast alt sum er smittuspjaðandi, ella um støðan hjá barninum er so vánalig, at tað ikki orkar at fylgja við dagsskránni í barnagarðinum ella vera millum hini børnini.

Um barni ikki kemur í barnagarð orsaka av sjúku ella hevur frí, vinarliga boðið okkum frá í seinasta lagi kl. 9.30.


Skiftiklæðir
Barnið eigur at hava klæðir við, ið hóska til verðrið, eisini eigur barni at hava skiftiklæðir liggjandi í kurvini.

Minnist til at seta navn á klæðini.


Leikur
Loyft er at hava leikur við í barnagarð. Starvsfólkið tekur sær onga ábyrgd av, um tær vera burtur ella skaði kemur á tær.


Føðingardagar hjá børnunum
Um ætlanin er at hátíðarhalda føð­ing­ar­dagin í barnagarðinum, tosið við starvsfólkið á stovuni um, hvussu dagurin skal haldast.

Um barni ynskir at hátíðarhalda føðingar­dagin heima, skulu innbjóð­ing­­arkortini gevast privat og ikki leggjast í plássini hjá børnunum.


Matdagar
Nakrar ferðir árliga skipar stovnurin fyri matdegi.

Hendan dagin hava børnini ikki matpakka við, men onkran viðskera, breyð ella smør. Við hvørt er heitur matur í staðin fyri kalt borð, tá gjalda foreldrini umleið 20 kr. fyri hvørt barn.


Túrar og útferðir
Vit gera nógvar túrar. T.d. vitja vit spælipláss, aðrar stovnar og fara annars nógv út í náttúruna.

Serliga í summarhálvuni verða longri útferðir gjørdar, t.d. til Viðareiðis, í Eysturoynna, Havnar v.m.


Evnisarbeiði
Vanligt er at hava bólkaarbeiði um ymisk evni, har børnini eru í bólkum eftir aldri og førleika.

Børnini sum skulu í skúla, eru 1 til 2 ferð um vikuna í skúlabólki, har tey á ymiskan hátt verða fyrireikað til skúlabyrjan. Av og á arbeiðir stovnurin við einum felags evni.

Einaferð um árið luttekur Blákollan í felagstiltakinum saman við  stovnunum í Klaksvíkar komm­unu. Blákollan hevur eins og hinir dagstovnarnir í Klaksvík samstarv við Klaksvíkar Bókasavn. Stovnarnir skiftast um at skipa fyri ymiskun tilkøkum á bókasavninum.


Samling
Í vetrarhálvuni hava stovurnar samling, har verður sungið, spælt og tosað. Álvarslig evni sum t.d. happ­ing og sjúka/ deyði, verða ofta viðgjørd í samlingini.


Fimleikur
Saman við himun stovnunum í Klaksvík, hevur Blákollan atgongd til fimleikarahøllina, eina ferð um vikuna. Onkuntíð eru øll børnini í Blákolluni við, aðrar tíðir verður farið í bólkum.
 

<aftur
 

December 2017
SunMikLey
 12
3456789
10111213141516
17181920212223
24252627282930
31 
 

Myndasavn

 

Tiltøk